Vlamme betyds by skool geblus

Die vlamme by Hoërskool Florida het hoog in die naglug opgeskiet. Foto: Verskaf

“Ons is baie dankbaar, want as ons nie daar was om die vlamme te blus nie, kon dit soveel erger gewees het.”

So het Julius Katzke, hoof van Hoërskool Florida gesê nadat twee sipresbome ongeveer 8nm gisteraand (13 Junie) op die skoolgronde vlam gevat het.

“Ons het ‘n vergadering in die personeelkamer gehad toe ons inligting kry oor ‘n brand naby die restaurant. By nadere ondersoek het ons gesien dat twee sipresbome aan die brand geslaan het. Gelukkig het ons baie vinnig gereageer en kon die brand gou met die skool se brandslange blus. Ek weet nou nog nie wat die oorsaak van die brand was nie, want daar is geen oorhoofse kragkabels naby die twee bome nie,” het hy gesê. Hy het bygevoeg dat daar geen skade aan die restaurant of skoolsaal is nie.

Volgens hom het iemand wel die brandweer geskakel, en hulle was op die toneel. “Toe die brandweer opdaag, het ons reeds al die vlamme geblus en die situasie was onder beheer,” het Julius gesê.

Het jy dalk meer inligting rakende dié storie? Stuur gerus vir ons ‘n e-pos na roodepoortrecord@caxton.co.za (sluit asseblief kontakbesonderhede in) of skakel ons by 011 955 1130.

Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes

Randfontein Herald

Krugersdorp News

Get It Joburg West Magazine

Besoek ook ons Facebook, Twitter en Instagram blaaie om jou stem te laat tel!

  AUTHOR
Adéle Bloem
Journalist

Latest News

COMMENTS

Top
Next Story x
Florrie-skuts is goud werd